4.10.10

Canto tempo sen problemas

Pero xa hai un aquí, referido a un curioso número: o 3025.

E que ten de curioso? Segue lendo:

Se dividimos o número á metade, obtemos dous números de dúas cifras, 30 e 25.
Se sumamos eses números, obtemos 55.
E finalmente, se elevamos ao cadrado 55 obtemos:

55²=3025

Pois aínda que o número 3025 é curioso, comparte esta propiedade con outros dous números de 4 cifras. Es quen de atopalos?


No capítulo de curiosidades lin unha hoxe ben interesante: en ALT1040 publicaron o tempo que levaría ler toda a Wikipedia, tendo en conta unha velocidade normal de lectura ou a do campión do mundo de lectura rápida. Non deixaría de ser unha estupidez do mesmo estilo que ler unha das enciclopedias tradicionais, aínda que neste caso levaría moito tempo menos. Só hai que ver esta comparación entre o número de palabras da Wikipedia e outras fontes de información.

2 comentarios:

  1. 45*45=2025
    20+25=45
    99*99=9801
    98+01=99

    ResponderEliminar
  2. Perfecto!
    Unha mágoa non coñecer a identidade deste anónimo...

    ResponderEliminar