17.11.12

Un problema para os moi bravos


_Hey, shouldn't you be out with your gangs, spray painting equations on the side of buildings?

No formidable libro de problemas de William Briggs Ants, Bikes&Clocks. Problem solving for undergraduates  (Formigas, bicicletas e reloxos. Resolución de problemas para estudantes universitarios) hai literalmente centos de bos problemas esperando polo afeccionado ás Matemáticas. Entre os temas dos problemas atopamos a Probabilidade, a Física, a Lóxica, a Xeometría, pero tamén unha chea de problemas netamente recreativos. Do capítulo 6, "A World of Change" quero salientar hoxe o problema nomeado "O sombreiro de Feynman":

Un home remaba contracorrente nun río que fluía a unha velocidade de 2 qm/h. Ás 12:00 o seu sombreiro saíu voando e quedou flotando río abaixo. Ata despois de remar 3 qm non achou que perdera o seu sombreiro, momento no cal deu a volta e comezou  a remar río abaixo ata coller o sombreiro. Se o home rema a unha velocidade constante de 6 qm/h con relación á auga, cando alcanzou o seu sombreiro?

Se sodes suficientemente bravos podedes tratar de roelo. 

4 comentarios:

  1. Os 2 qm/h da ida son tamén en relación a auga?

    ResponderEliminar
  2. Vaia, non revisara a tradución que fixen. O enunciado orixinal é:
    "A man paddled upstream on a river flowing at a rate of 2km/hr."
    Polo tanto, Hipatia (bo nick, por certo) 2 qm/h é a velocidade da auga. Perdón pola confusión...

    ResponderEliminar
  3. Xa me esquecera deste problema...

    O sombreiro, ao caer, marca un punto do que o home se alonxa a unha v=6km/h, dado que esa é a velocidade respecto da auga, e o sombreiro, en relación a auga está quieto.

    Polo tanto, percorrer 3 km. levaralle 1/2 hora.

    Ao dar a volta, atópase a 3 km do sombreiro e tardará outra media hora en alcanzalo. O reloxio marcaría as 13 horas.

    ResponderEliminar
  4. Pois eu, Hipatia, esquecera editar o enunciado dspois do teu 1º comentario. Actualiceino agora( por fin). Se segues o camiño de cadoi e revelas a túa identidade xa coñecería a dous comentaristas máis ;)

    ResponderEliminar