Propóñovos os problemas que máis me gustaron:
Problema 2 da fase de zona:
Un home entrou nunha finca e colleu certo número de mazás. Ao saír atopouse un amigo e deulle a metade das mazás e unha máis. Máis adiante atopouse cun segundo amigo e tamén lle deu a metade das mazás que lle quedaban e unha mazá máis. Fixo o mesmo cun total de 5 amigos. Cando chegou á súa casa só lle quedaba unha mazá. Cantas mazás collera?
Problema 1 da fase final:
Explica de forma razoada o valor da letra A na palabra TOPAZ, supoñendo que a cada letra corresponde unha cifra, e letras distintas serán cifras distintas:
![](https://blogger.googleusercontent.com/img/b/R29vZ2xl/AVvXsEj9XtI0KdteKssJx2r7KKFkpVlHoQF-nK4MQFDFGpcqHFWQIL1E8wAVHbricaPWbwmtRO9h_odN7kCosX5p2aEMlK_Kevm9_rYwXusnoSJ9OJ34SM_O8zjIqJaGdXbxs2tndlGKaqyVGxbT/s320/Zoo+e+Topaz.jpg)
Tamén tivo lugar o Rallye Matemático, do cal só podo rescatar o seguinte problema:
A cuadratura dunha lúnula:
O triángulo rectángulo ABC é isóscele, AB = AC = R. Trazamos o cuarto de círculo de centro A e radio R que pasa por B e C e logo o semicírculo de centro M (punto medio da hipotenusa BC), que pasa tamén por B e C. Calcula a superficie da figura verde (é a chamada lúnula de Hipócrates).
![](https://blogger.googleusercontent.com/img/b/R29vZ2xl/AVvXsEhPqoY6Z8RC4Xky7Pyvn9CMxr7Ku-hHyCNES2MSH0i-bms6XHUvlJwrgHz7ULvPBmMn0Yj0AnY9ed4FexM87Fpn2J6JUIcNbYvu4Y-jDrpPfjdmDD-1Umzt8XNjVQcMEANP1RpJpB7vTBnu/s320/L%C3%BAnula+de+Hip%C3%B3crates.jpg)
E se alguén chegou ata aquí, deixemos por un momento as Matemáticas, pero utilicemos a lóxica e o sentido común (signifique iso quen sabe que) no seguinte xogo:
Portal
Nesta versión en Flash dun xogo de PC tedes que saír do edificio no que estades pechados, utilizando a única axuda dun dispositivo que permite abrir portais de teletransportación (para os viejunos: como en Star Trek), un amarelo e outro azul. As teclas son A,W,D e o botón esquerdo do rato para abrir os portais. Comeza sendo bastante sinxelo, pero se vos animades a probar, xa veredes.
Case esquezo poñer un vídeo deses escatolóxicos dos que falei nalgunha aula. Oculto o vídeo para avisarvos: dá bastante noxo, aínda que no primeiro minuto (máis ou menos) non entenda un moi ben de que vai. Por certo, este vídeo formaba parte dunha campaña de publicidade do goberno australiano para concienciar á xente de que se vacinara contra a gripe. Podedes xulgar vós mesmos:
SPOILER
Non puideches resistir, eh? Pois aquí está:
290 manzanas
ResponderEliminarcts