22.5.21

xor

Coa desactivación do contido programado con Flash, o mundo dos xogos casuais na rede minguou, e por tanto o ínfimo campo dos xogos con contido máis ou menos matemático, que é un dos negociados tradicionais deste blog. É certo que aínda quedan os elaborados en unity, os de itch.io e algunha cousa indie máis, pero as canles habituais onde podía atopar estes xogos foron ficando descontinuas.

Hoxe atopei este xoguiño, xor, que parece feito para este blog, pois a mecánica lembra a ideas como a do espazo negativo, que teño mencionado en twitter e nas aulas. Se sabedes que significa o operador xor en lóxica xa intuiredes de que vai. E se non, fedellar un chisco coas figuras clarificará o asunto:





    

Intuitivo abondo? Parece obvio que o obxectivo é formar o modelo superior combinando as pezas de abaixo, non si? As pezas só poden ser trasladadas, non hai xiros nin reflexións, o cal é unha mágoa, podería facer máis retador o xogo.

Á dificultade inherente á mecánica do xogo súmase que ás veces o obxectivo non está á mesma escala que as pezas que tes que combinar. Parece unha parvada de obstáculo, mais se probades o xogo, veredes que non o é.

Case tres aniños sen xogos neste blog, incrible.

0 comentarios:

Publicar un comentario