20.1.19

Que demostra isto?


   


Andaba eu a pensar como argallar unha entrada arredor dos capítulos que levo lidos de How I wish I'd taught Maths, de Craig Barton, cando dei con esta pequena marabilla. Polo que tiven que deixar a outra entrada a medio facer e compartir o meu abraio coa miña lexión de seguidores.

Como a imaxe da cabeceira é austera de máis (como de libro de Xeometría dunha materia da carreira de Matemáticas, talvez menos), déixovos por acó unha un chisco máis completa, a ver se dades atopado que demostra a imaxe e tamén como o demostra. E se vos presta tanto como a min.


Con cores e todo. Xa nin parezo de Matemáticas



Outro día tocará falar do libro.

2 comentarios:

  1. Sinto non poder enviar un debuxo coma debe ser...Aí vexo unha bonita demostración do teorema de Viviani. Para cada punto pode construirse un triángulo auxiliar exactamente igual ao ABC que serve de apoio para demostrar o teorema. Para o punto da imaxe que aquí mostras podemos ver doadamente que PL+PF=CS. Tamén podemos observar que LE=PD. De todo isto dedúcese o famoso teorema. Sinxelo e bonito ó mesmo tempo.

    Non sei se era só isto ou se me escapa algunha outra cousa.

    Pon máis problemas coma este!

    ResponderEliminar
    Respostas
    1. Non, non insinuaba nada máis, Luis. A min encántame a parte de que LE=PD, paréceme fermosísima.
      Para outra ocasión, se fas unha imaxe en geogebra ou a man, podes subila a Imgur e obter o código para enlazar ou mesmo para incrustar, aínda que isto é máis complicado nunha caixa de comentarios como esta.

      Eliminar