19.2.16

Unha ferramenta



O máis preto que estaremos de seguir a un Arne Saknussemm na era dixital

Quizais porque entendo o método gráfico de resolución de sistemas de ecuacións máis como unha característica que como un método de resolución auténtico, nunca vira que o geogebra puxese as coordenadas en forma decimal por defecto como unha eiva. Ata hoxe, cando dúas compañeiras observaron que sería útil dispoñer das coordenadas en forma fraccionaria. Tras unha breve investigación na rede (= un par de buscas en google concatenando palabras en inglés) atopei un comando, TextoFracción[], que permite escribir do xeito requerido as coordenadas utilizando o intérprete de LATEX incluído no geogebra.

Se argallades na folla, veredes que en realidade geogebra non está a calcular de xeito simbólico as interseccións, pois tecleando un sistema cun punto de corte con coordenadas irracionais, tamén vai aparecer unha fracción no texto asociado ao punto. Imaxino que o que sucede é que o punto é aproximado de xeito racional, e esta aproximación é a que aparece como punto de corte, e consecuentemente na caixa de texto.



0 comentarios:

Publicar un comentario